कविता / हम विशवविजयी

- कंचन

नव ज्योति एतय परकाश हेतै,
तै आस मे जन-जन बैसल छी।
जँ हमहिं जराबी दीप एतय,
नहि ई बूझी हम एकसरि छी।
सभ गोटे जँ निकलब भीड. हेतै,
नव धवल गगन कें चीर हेतै।
मन नाचत हम सब गाबि उठब,
सभ दिस तम केर ना’ा हेतै।
तू की कहलै हम की सुनलहुँ,
एहि बातक नहि व्याख्यान करू।
हम की कहलहुं हम की केलहुं,
एहि बातक सब सम्मान करू।
हम अलग विलग नहिं एकहिं छी,
अहि देह अलग मन संगहि छी।
सब मिल नव ज्योति जराबी तँ
ई वि’वविजयी तँ हमहीं छी।